05.05.2011.

Elvis, Ante, Mlaji 3-2
Chunks, Delic, Leo 3-2
Fanta, Leshy, Robi, Rados 2-4


Zrno po zrno pogača. Kamen po kamen palača. Da san bija bokun pri sebi prve dvi utakmice Krzy ne bi ti sad bila laka. Vengo, vratimo se mi na početak. Skupila se lipa grupica od deset svita. Niki su se, po običaju, javili potla zadnjega trena pa nan se bidan izbornik naša na čudu. Sve je prova ne bi li užica od Tome još jednu uru. Jok. Tomo je već tu uru da drugiman pa smo ostali nas deset na uru vrimena. Molin prizaposlene da se drugi put bokun prije site oće du li igrat, lokat, oli njanci jedno.

I tako nas deset. Prvi bira CR7 i vazima Robija. Elvis je vazeja Antu, a ja sam sebi, aj ća danas ti je nula na kontu. Vaziman Delića i Lea. Elvis Mlajega, a CR7 je u paketu dobija Leshya i Fantu. Prve dvi gubimo u tisno, ali nije tu problem. Ja te dvi njanci nisan bija na terenu, duhom naravno. Igra li su nji dva sami bidni. Gledan ja balun balun gleda mene i ko će kome doć. Totalno san bija u banani. Ne znan ča mi je bilo. I jopet smo te dvi izgubili na jedvite jade.Nizale su se šanse i ziceri. Da san bija bar po sebe od zanjega puta sad bi umisto one trice na rezultatu bila petica.

Ne mogu a ne spomenit dva velika fair play momenta. Prvo zvanje penala kojega je bidni Leo učinija isto ka i Neno zanji put. Balun je udrija u mrižu poviše branke i mislija je da će ostat u mriži pa ga je mahinalno uvatija rukon. Odma su svi skočili penal iako svi znamo da je nesuđeno pravilo penala jedino kad ga se ferma rukon a balun ide u gol. Ali ovi drugi fair play je za Nobelovu nagradu. Fantini zabiju gol za 2:1 protiv Elvisovih. Balun cili prođe crtu i izađe vanka. Fanta viče gol i nikor se od protivnika ne buni, ali onda nastupa CR7 i poništi čisti gol svojoj ekipi. Ali još je jače objašnjenje poništenja gola. Mislija san kad mi se odbija balun da ću ga zakucat u mrižu volejon pa san zato reka da nije gol. Svaka čast. Pravi fair play. Naravno triba li napominjat da jin je od toga momenta sve pošlo naopako. Od 2:0 na 2:4.

Kad san se bokun istriska vanka poslin one dvi prve pake to je bila skroz druga pisma. Rapsodija od baluna. Delić nikad nije manje govorija i nikad više nogaman radija. Igra je zanjega ka Gerrard. Stina u obrani u napadu baluni ka na pjatu. Leo rastrčan i naprid i nazad. Da nisan bija onako ebete prve dvi ne bi se Krzy ovako razbaciva torzom. Svoje neigranje je platija gajbon tako da se iskupija za taktiziranje. Ja san mora uteć bokun prije jerbo san rano ujutro trča za Zg.

Kad smo već kog Zg-a di je Mile? Obeća je gajbu kad se vrati, ali mi se pari da se sakriva ka i Bin Laden samo da prođe sezona. Nećeš pobjeći razbojniče.

Šta reći na kraju. Ja bi reko' dođite u drugi četvrtak. Ja bi reko' biće zanimjlivo. Iako neki misle da je prvenstvo odlučeno Ja bi reko' daleko je sedmi misec.

Pozdrav svima.
C.