Uvod

Fala kurcu Gorane pisalo je na jednome zidu kad je Goran osvojia Wimbledon. Isto tako i ja kažen fala kurcu. Jerbo jemamo puste bakalare, magistre, doture informatike, kibernetike, umjetničke duše, a tek sad su se sitili učinit stranicu di moremo lipo svit pisat oli ti srat jedni po drugome. Evo već drugi milenij nabijemo mijur a tek sad smo se uspili informatizirat. A isto se digod bilo lipo sitit Miline tekice i kako je on to sve lipo bacila. Ko je tuka ko gubija, ko je zabija kome ga je zabilo itd, itd, a onda bi svi čekali kad će godina finit i kad će arivat F-Times di bi se sve lipo u pismu i slici vižitala cila godina. Je lipo se sitit otih dana. A jopet ne moren baš ni zamirit našemun administratoru ča je sad učinija starnicu jerbo je tribalo čekat da izmislidu puste terabajte da bi se sve naše pizdarije jemale di stivat. Samo kako će mi naš izbornik, igrač, trener, motivator, organizator, administrator, moderator, šef spize i pića(ka) Fanta izdurat kad mu skinu titulu administratora i moderatora? Oće li se ofendit Ma ne virujen. On je razuman čovik. Toliko za uvod mislin da je dosta da se ne bi ovi iz Googla usprdecali da san in vazeja cili server.
Pozdrav svin balunjerima i tribinašima i do skorog čujenja pozdravja vas
C.